විශිෂ්ඨ මොසාඩ් මෙහෙයුම්

Elie Cohen නම් විශිෂ්ඨ ඔත්තුකරුවා

1960 දශකයෙ මුල් භාගය වනවිට සිරියාව අරාබි රටවල් සියල්ල අතරින් ඊශ්‍රයාලයට වැඩිම හිසරදයක් ගෙන එන රාජ්‍යය ලෙස ඉදිරියට පැමිණෙමින් තිබුනා. ඊශ්‍රයාලා සිය පරම සතුරා ලෙස සැලකකූ ඔවුන් හැකි සෑම විටම පහර දීමට බලා සිටියා. වරින් වර ත්‍රස්ථ කණ්ඩායම් දේශසීමා කලාපය තුලට එවමින් පහර එල්ල කරමින් සිටි ඔවුන් ජෝර්දානය හරහා ඊශ්‍රයාලයේ Arid negev කලාපයට ජලය ලබා ගැනීමට සැලසුම් කරන ලද ජලනල ව්‍යාපෘතියකටද බාධා එල්ල කරමින් සිටියා. මේ නිසා සිරියාවේ විශේෂ මෙහෙයුම් සහ රහස් ගණුදෙනු සම්බන්ධව නිරාවරණය කර ගැනීමට හැකි ඔත්තුකරුවකුගේ දැඩි අවශ්‍යතාවයක් මොසාඩ් සංවිධානයට ඇතිවුනා. මේ සඳහා ඉතා විශ්වාසවන්ත දැඩි පලපුරුද්දක් සහිත නිර්භීත පුද්ගලයෙක් අවශ්‍යවුනා. 1950 දශකයේදී ඊජිප්තුවේ වෙසෙමින් ඊජිප්තු රජයට එරෙහිව විවිධ ප්‍රහාර ගණනාවක් මෙහෙයවූ පසුව ඊජිප්තු රජයෙන් බේරීමට ඊශ්‍රයලයට පලා ආ Elie cohen වෙත මොසාඩ් අවධානය යොමුවුනේ ඉහත සියලු සුදුසුකම් Elie සතුවූ නිසායි. ඒ වනවිට සුළු ව්‍යාපාරයක් කරමින් සාමාන්‍යය ජීවිතයක් ගතකරමින් සිටි ඔහු කිහිප වරක්ම ප්‍රතික්ෂේප කිරීමෙන් අනතුරුව මොසාඩ් ඉල්ලීමට එකඟත්වය පල කරනු ලැබුවා.

Elie Cohen

බඳවා ගැනීමෙන් පසු Cohen ගේ පුහුණුව ඉතා දුෂ්කර වෙහෙසකාරී එකක් වුයේ සෑම දිනකම විවිධ අභ්‍යාස හා ක්‍රියාකාරකම් වලට මුහුණදීමට සිදුවූ නිසාය. පුහුණුවේ මුල්ම ක්‍රියාකාරකම වුයේ විවිධ දේවල් ක්ෂණිකව මතක තබා ගැනීමට හුරුකරවීමයි. ඉන් පසු විවිධ අවිවර්ග හඳුනාගැනීමටත්, වීදිවල ගමන් ගනිද්දී ඔහු හඹා එන පුද්ගලයන් හඳුනා ගන්නා සැටිත් පුහුණු කෙරුණා. කුරාණය සහ ඉස්ලාම් වන්දනා ක්‍රමයන්ද හදාරන්න ඔහුට සිදුවුනා. රේඩියෝ සංඟ්‍යා ආශ්‍රයෙන් පණිවුඩ යැවීමත් විවිධ මානසික පරික්ෂාවන්ට මුහුන දීමටත් පුරුදු කිරීමෙන් අනතුරුව ඔහුට පුහුණු මෙහෙයුමක් ලබා දුන්නා. ඒ අනුව ප්‍රංශ ගමන් බලපත්‍රයක් සහිත ඊජිප්තු ජාතික සංචාරකයෙක් වශයෙන් ජෙරුසලමේ දින දහයක් සංචාරය කිරීම එම අභියෝගයයි. ඔහු විවිධ පුද්ගලයන් හා සම්බන්ධවෙමින් මිතුරන් ඇතිකරගනිමින් සැක නොසිතන ආකාරයෙන් එම කාලය ගතකල යුතුව තිබුනා. මෙම අභියෝගය ජයගත් ඔහු පුහුණු කාලය නිමවා නිවසට පැමිණෙන විට ගැබිණිව සිටි බිරිඳ දියණියක් බිහිකර තිබුනා.

මෙහෙයුමේ ආරම්භය සනිටුහන් කරමින් Elie හට අලුත් නමක් සහ අලුත් ජීවිත කතාවක් ලැබුනා. මින් ඉදිරියට ඔහු හැඳින්වුනේ ලෙබනනයේ උපත ලද ආර්ජන්ටිනාවේ වාසය කරනා සිරියානු දෙමාපියන් යුවලකට දාව උපත ලද Kamal Amin Tabet යනුවෙනි. මෙහෙයුමට ප්‍රථ්මව තම බිරිඳට ඔහු පැවසුවේ ඊශ්‍රයාල ආරක්ෂක අංශ වෙනුවෙන් යුරෝපයේ විවිධ කටයුතු උදෙසා වරින් වර යෑමට තමන්ට සිදුවන බවයි. සූරිච් , චිලී හරහා ආර්ජන්ටිනාවට ලඟා වු ඔහු කුඩා නිවහනක රැදී සිටිමින් මාස තුනක් ස්පාඟ්ඟ භාෂාව ඉගෙන ගනිමින් පරිසරයට හුරුවෙමින් සිටියා. ඉන් පසු වරින්වර අරාබි අවන්හල් සහ අරාබි සමාජය ඇසුරුකරමින් විශාල ව්‍යාපාරිකයෙක් වශයෙන් හඳුන්වා දෙමින් ඔවුන් ඇසුරු කරන්නට පටන් ගත්තා. අරාබි ජනයාගේ සුබසාධනය වෙනුවෙන් විශාල පරිත්‍යාග සිදුකිරීමට ඔහු ක්‍රියා කරනු ලැබුවා. මේ අනුව ඉතා කෙටිකලකින් ආර්ජන්ටිනාවේ අරාබි ජාතිකයන් අතර කැපීපෙනෙන චරිතයක් බවට පත්වන්නට ඔහුට හැකිවුනා. එහි ප්‍රතිපලයක් ලෙස ආර්ජන්ටිනාවේ සිරියානු තානාපති කාර්යාලයේ විවිධ උත්සවවලට ආරාධනා ලැබීමටත් එහි සිටි සිරියානු ඉහළ පෙලේ හමුදා නිළධාරීන් ඇසුරු කිරීමටත් ඔහු අවස්ථාව උදාකරගත්තා. මේ සියලු සම්බන්ධතා භාවිතා කරමින් තමන්ට නැවතත් සිරියාවට යාමට අවශ්‍යය බව ඔවුන්ට අඟවමින් 1961 වසරේ අගභාගයේදී ඔහු සිරියාවට ලඟාවුනේ බුද්ධි තොරතුරු හුවමාරු කරගැනීමට අවශ්‍යය විවිධ තාක්ෂණික උපකරණ රැසක්ද සමගයි.

සාමාන්‍යය ඔත්තුකරුවන් වැඩි අවධානයක් යොමු නොවන ලෙස සැඟවී තම කාර්යන් ඉටුකලත් Elie ගේ මෙහෙයුම අනුව ඔහු සිරියානු සමාජයේ කැපීපෙනෙන චරිතයක් බවට පත්වියුතුව තිබුනා. මේ නිසා ඔහු විශාල මුදලක් ගෙවා සිරියානු හමුදා මූලස්ථානය අසලින් සුඛෝපභෝගී නිවහනක් වෙන්කරගනු ලැබුවා. සිරියානු රජයේ ඉහළ බළධාරීන්ගේ සහ ඉහළම ව්‍යාපාරිකයන්ගේ නිවාසද පිහිටියේ මේ ආශ්‍රිතවයි. ඉතාම කෙටි කලකින් සිරියානු දේශපාලකයින්ගේ මිතුරු සමාගමයට එක්වීමට ඔහුට හැකිවුනේ ආර්ජන්ටිනාවෙන් ඔහු සාදාගත් සබඳතා යොදාගනිමින්ය. ඔහුගේ නව මිතුරන් විවිධ ව්‍යාපාරිකයන්ට ඔහු හදුන්වා දුන් අතර ඉන් දෙදෙනෙ මෙම තරුණ මිලියනපතියාට තම දියණියන් විවාහ කරවීමටද උත්සාහයක නිරත විය. විවිධ කටයුතු සදහා මුදල් පරිත්‍යාග කරමින් දිනෙන් දින තම සබඳතා ජාලය ශක්තිමත් කරගැනීමට කටයුතුකරනු ලැබුවා. ඉහළ සිරියානු දේශපාලකයන්ගෙ ඇසුරට වැටුනු Elie ප්‍රියසාද අතරතුර ඔවුන්ගෙ කතාබස් අතරින් ලබාගන්නා වැදගත් තොරතුරු දිනපාතාම උදෑසන අටට රේඩියෝ තරංග භාවිතයෙන් මොසාඩ් මූලස්ථානයට වාර්තාකරමින් සිටියා. හමුදා මූලස්ථානය ආසන්නයේම නිවස පැවති නිසා යම් පරීක්ෂාවකින් වුවත් හමුදා සංඟ්ඟා සහ Elie ගේ වාර්ථාවන් අතර වෙනස වටහා ගැනීමට අපහසුවෙනවා. මේ අතරතුර වරින් වර ආර්ජන්ටිනාවට සහ යුරෝපයට ව්‍යාපාරික හේතුමත් ගමන් කරනා බව අඟවමින් තම බිරිඳ සහ දරුවන් බැලීමට යාමටද ඔහු කටයුතු කරනු ලැබුවා. සිරියානු බාත් පක්ෂයේ නැගීසිටීම නිරීක්ෂණය කර Elie පක්ෂ අරමුදලට විශාල ලෙස ආධාර කරමින් ඔවුන්ට ලංවෙන්නට වුනා. ඔහුගේ අනුමානය නිවැරදි කරමින් බාත් පක්ෂය කුමන්ත්‍රණයක් මගින් සිරියානු බලය අල්වාගන්නා විට ඔහුගේ ආර්ජන්ටිනාවේ හමුදා මිතුරා ආණ්ඩුවේ ඉහල පෙලේ තනතුරකට පත්වුනා. මේ අනුව නව ආණ්ඩුවේ ඉහළම නිළධාරීන්ගේ ලඟම මිතුරකු වීමට ඔහුට හැකිවුනා.

දිනපතාම විවිධ රජයේ සහ හමුදා නිළධාරීන්ට විශාල සාදයන් සංවිධානය කරමින් ඔවුන් තම නිවසට ගෙන්වාගත් Elie සිරියානු ජනාධිපතිවරයාද වරින්වර ඒවාට ගෙන්වාගන්නට සමත්වුනා. ජනාධිපති ආර්යාවට මිළ අධික ත්‍යාගයන්, ස්වර්ණාභරණ ලබාදීමද මේ අතරට අයත්වුනා. විවිධ නිළධාරීන්ට සාදයන් අතරතුර ගණිකාවන්ගේ පහස ලබාදෙමින් ඔවුන්ගේ මනදොල සපුරන්නටද අමතක කලේ නැහැ. හමුදා නිළධාරීන් රහස් මෙයහෙයුම්, දේශපාලකයින්ගේම් විව්ධ ප්‍රතිපත්ති සාකච්චා කරනා තැනක් බවට ඔහුගේ ආලින්දය පත්ව තිබුනා. මේ සියල්ලට දායක වෙමින් ලබාගන්නා සියලු තොරතුරු දිනපතාම මොසාඩ් මූලස්ථානයට වාර්ථා කරමින් තිබුනා. බාත් පක්ෂයේ වැදගත් සාකච්ඡා සදහා සම්බන්ධවූ ඔහු හමුදාවේ සිදුවන සියලුම කටයුතු දැන සිටියා. සිරියානු හමුදාවේ රහසිගත මෙහෙයුම්, අවිආයුධ මිලදීගැනීම් සියල්ලම ඔහුට රහසක් නොවීය. ඊශ්‍රයාලා දේශසීමාවේ පවතින සිරියානු හමුදා කදවුරු නිරීක්ෂනය කිරීමට යාමටද ඔහුට හැකියාව ලැබුනේ ඉහළම හමුදා නිලදාරීන්ගේ ආරාධනාවලට අනුවයි. මේ හමුවීම් අතරතුර ඊශ්‍රයාලය සමග දැඩි වෛරයකින් පසුවන බවට සෑමවිටම ඔවුන්ට ඇඟවීමට ඔහු අමතක කරේ නැහැ. සිරියානු සෙබලුන් රැදීසිටින රහස් බංකර අවට සෙවණ උදෙසා ගස් වවන ලෙස ඔවුන්ට යෝජනා කෙරූ Elie පසු කලක එම ගස් සහිත ස්ථාන ඉලක්ක කර ගුවන් ප්‍රහාර එල්ල කරන ලෙස ඊශ්‍රයාලයට දැනුම දුන්නා.

මේ අතර සිරියානු ඊශ්‍රයාල ගැටීම් සිදුවු අතර ඒ සෑම අවස්ථාවකම සිරියානු දේශ සීමාවේ පහරදියයුතු තැන් සහ එක් එක් තැන්වල අවි බලය ඊශ්‍රයාල හමුදා දැන සිටියා. ඒ සියල්ලටම Elie ගෙන් ලබාගත් තොරතුරු හේතුවුනා. ඊශ්‍රයාල ජල ව්‍යාපෘතියට බාධාකරමින් අනෙක් අරාබි රටවල් හා සිරියාව සිදුකරනලද ව්‍යාපෘතිය බාර ව්‍යාපාරිකයා ඇසුරු කරමින් තොරතුරු ලබාගත් ඔහු එම ව්‍යපෘතිය විනාශ කිරීමට අවශ්‍ය ප්‍රහාර එල්ල කලයුතු ආකාරය මව් රටට තොරතුරු ලබාදුන්නා. මෙම ව්‍යාපාරිකයා (

Saudi Binladin Group )

වූයේ අන් කවරෙකුත් නොව ඔසමා බින් ලාඩන්ගේ පියායි.

මෙම කටයුතු අතරතුර ක්‍රමක්‍රමයෙන් සිරියානු බුද්ධි අංශ ඊශ්‍රයාලයේ ක්‍රියාකාරකම් සම්බන්ධව සැක පහල කරමින් සිටියා. සිරියානු රජයේ රැස්වීම් අතරතුර ගන්නා තීන්දු තීරණ පසුදින ඊශ්‍රයල රජයේ ගුවන් විදුලියේ විකාශය වූ අවස්ථා ඔවුන්ට හමුවුනා. හමුදා මෙහෙයුම් අතරතුර ඊශ්‍රයාලය තෝරාගත් නිවැරදිම ඉලක්කයන්ට පහරදීමත් ඔවුන්ගේ විමතියට හේතුවුනා. සිරියාවේ ඉහළම තනතුරක ඊශ්‍රයාලා ඔත්තුකරුවෙක් සිටිනබවට ඔවුන්ට අවබෝධවීමට පටන් ගත්තා. ඔහු තොරතුරු ලබාදියයුතු රැහැන් රහිත විකාශන ක්‍රමය සොයා බැලීමට කිහිප වරක් දරණ ලද උත්සාහයන් ව්‍යාර්ථ වුනා. දිගින් දිගටම සිදුවූ අසාර්ථක වීම් රාශියකින් පසු 1965 ජනවාරි මස දිනයක ඔවුන්ගේ වාසනාව උදාවුවා. මෙය සිදුවූයේ ඉතාම අහඹු ලෙසයි. සෝවියට් රුසියාවෙන් ගෙන්වන ලද නව තාක්ෂණික උපකරණ සවිකිරීම උදෙසා සියලුම සිරියානු හමුදා විකාශනයන් ජනවාරි 7 වැනිදා පැය විසිහතරකට නවතා දමනු ලැබුවා. නමුත් මේ අතරතුර රේඩියෝ සංඟාවක් ක්‍රියාත්මක වීම එක් හමුදා නිළධාරියෙක් විමතියට පත්කරවන්නට හේතුවුනා. වහා ක්‍රියාත්මක වුනු බුද්ධි බලකායන් සංඟාව සොයා යාමට පටන් ගත්තත් නිවැරදි ස්ථානය සොයා ගැනීමට පෙර විකාශනය ඇණසිටියා. කෙසේ නමුත් සංඟාව පැමිණි දිශාව යොමුවී තිබුනේ Kamal Amin Tabet ගේ නිවස දෙසටයි. නමුත් ඔහු සිටියේ ඔවුන්ගේ සැකයට භාජනය නොවන තරම් ඉහල දේශපාලන ස්ථරයකයි. එය වැරදීමක් ලෙස ඉවත දැමූ ඔවුන් නැවත ක්‍රියාත්මක වුනේ සවස් කාලයේද සංඟා ලැබෙන්නට වූ නිසාවෙනි. නැවතත් Kamal ගේ නිවස දෙසට සැකය එල්ල වුනා.

පසුදින හරියටම උදෑසන අටට Elie ගේ සුඛෝපභෝගී නිවසේ දොර බිඳ දමමින් ඇතුලු වූ සිරියානු බුද්ධි අංශ විසින් සන්නිවේදනය අතරතුරම Elie අල්වාගනු ලැබුවා. මෙම ප්‍රවෘතිය සම්පූර්ණ සිරියානු දේශපාලනයම සහ ආරක්ෂ අංශ කළඹවනු ලැබූ පුවතක් බවට පත්වුනා. ජනාධිපතිගේ පුද්ගලික මිතුරකු, ආරක්ෂක නිළධාරීන්ගේ ගජ මිතුරකු ඔත්තුකරුවකු වීම අදහාගත නොහැකි සිදුවීමක් වුනා. විශේෂ පරීක්ෂන කිහිපයකින්ම Elie ඔත්තුකරුවෙක් බව තහවුරුවෙමින් තිබුනා. අතඩංගුවට ගත් Elie Cohen හමුවීමට සිරියානු ජනාධිපතිවරයාද පැමිණියා. ඔහු Elie ගෙන් කුරාණයේ පාඨයන් විමසා සිටිමින් Elie එහිදී දැක්වූ දුර්වලතා හේතුවෙන් Elie යුදෙව්වෙකු බව ඔහු ව්සින් පුද්ගලිකවම වටහාගත්තා. Elie ගේ අත් අඩංගුවට පත්වීම සිරියානු ඉහළ පැලැන්තියේ දෙදරායාමක් ලෙස හදුන්වනු ලැබුවා. ඔහු ඇසුරු කර සියලුම ප්‍රභූන්වෙත සැකය එල්ලවීම ප්‍රාධාන ගැටළුවක් වුනා. මේ නිසා බුද්ධි අංශවලට විමර්ශණ කටයුතු සිදුකිරීමද අපහසුවුනා. තමන් සමග ගණුදෙනු කරන ලද සිරියාවේ සිටි ඊශ්‍රයල සහකරුවන් පාවා නොදීසිටිමට Elie වග බලාගත්තා.

Elie Cohen අතඩංගුවට පත්වනතුරු ඔහුගේ භූමිකාව පවුලේ සාමාජිකයන් කිසිවෙක් දැනසිටි නොමැති අතර ඊශ්‍රයාලය තුල ඔහුගේ අත් අඩංගුවට පත්වීමේ ප්‍රවෘත්ති වාරණය කරනු ලැබුවා. Elie ගේ බිරිඳ මුලින් සිතාසිටියේ සිරියානු දේශසීමාව හරහා යාමට ගොස් ඔහු අත් අඩංගුවට පත ඇතැයි යනුවෙනි. නමුත් තමන්ගේ සැමියා මොසාඩ් ඔත්තුකරුවෙක් බව දැනගත් විට ඇය සිහිසුන්ව ඇදවැටුනා. Elie ගේ බිරිඳ ඇතුලු හිතවතුන් හරහා ඊශ්‍රයාල රජය රහසින් සාධාරණ විනිශ්චයක් වෙනුවෙන් නීති කටයුතු කිරීමට උත්සාහ කලත් ඒවා ව්‍යාර්ථවුනා.

විශේෂ හමුදා අධිකරණයේ පැවති නඩුවිභාගයේ විශේෂත්වය වුයේ එහි විනිශ්චයකරු සහ බොහෝ නිළධාරීන් ඔහුගේ ලඟම හිතවතුන්ව සිටි අය වීමයි. Elie නියෝජනය කිරීමට නීතිවේදියෙකු ලබාදීමත් ප්‍රතික්ෂේප කෙරුනා. නඩු විභාගය රූපවාහිනියේ විකාශය කෙරුණු අතර Elie ගේ පවුලේ සාමාජිකයන්ද එය නරඹනු ලැබුවා. සැලසුම් කර ආකාරයෙන්ම අවසානයේ මරණ දඬුවමට තීන්දුවූ Elie ගලවා ගැනීමට ජාත්‍යන්තර සංවිධාන රැසක් උත්සාහ කරනු ලැබුවත් සිරියාව ඒ සියල්ල ප්‍රතික්ශේප කරමින් 1965 මැයි මස 18 වන දින රාත්‍රියේ Elie ප්‍රසිද්ධියේ එල්වා මරා දමනු ලැබුවා. එල්ලා මරා දැමීමට පෙර බිරිඳ අමතා ලියුමක් යැවූ ඔහු ඇයට නැවත විවාහවී දරුවන්ට පියෙකුගේ රැකවරණය ලබාදෙන ලෙස ඉල්ලා සිටියා. Elie ගේ භශ්මාවශේෂ කොටස් ඊශ්‍රයාලය වෙත ලබානොදී සිටීමට තරම් සිරියාව ඊශ්‍රයාලය සමග වෛරයකින් පසුවුනා.

මොසාඩ් ඉතිහාසයේ මෙන්ම ලෝක ඉතිහාස්යේ සිටි විශිෂ්ඨතම ඔත්තුකරුවකු ලෙස Elie Cohen හැදින්වෙනවා.

එල්ලා දැමුණු අවස්ථාව

Elie Cohen සහ බිරිඳ විවාහ උත්සවයේදී

All reactions:

3Dilum Rathnamala Hapuarachchi, Pradeep Amarasena and 1 other

 ඉතිහාසයේ බිහි වු ශ්‍රෙෂ්ඨතම විද්‍යාඥයා – නිකොලා ටෙස්ලා

ඔබ තෝමස් අල්වා එඩිසන් යනු ශ්‍රේෂ්ඨ විද්‍යාඥයෙකු බව පිළිගන්නවාද ?

ඔබ නිකොලා ටෙස්ලා නැමැත්තෙකු ගැන අසා තිබෙනවාද?

පළමු ප්‍රශ්නයට පිළිතුර ‘ඔව්’ සහ දෙවැන්නට ‘නැත’ නම් මේ ලිපිය ඔබ සඳහායි.

උදේ තමයි, දැන් කියවන්න කම්මැලියිනම් පස්සේ කියවන්න Notepad හෝ Offline Save දාගන්න. හුඟක් වැදගත් වෙවි. මම පෞද්ගලික හුඟක් ගරැ කරන කෙනෙක්, ඒ වගේ ඔබ සැම සියළු දෙනා ගරැ කළ යුතු කෙනෙක් !

ඔබ දැන් Online පවා ඉන්නේ ඔහුගේ නිර්මාණ නිසාමයි !

නිකොලා ටෙස්ලා උපත ලැබුවේ ක්‍රොයේෂියාවේ සර්බියානු පවුලකයි. ඒ 1856 ජූනි 10 වනදා අකුණු ගසන මධ්‍යම රාත්‍රියේයි. ඒ නිසාම ඔහුව විදුලියෙන් උපන් දරුවා ලෙසද හැඳින්වුනා.

ඔහුගේ පියා ඕතොඩොක්ස් පූජකයෙකු වූ බැවින් ඔහුට තම පුතාවද පූජකයෙකු කිරීමට අවශ්‍ය වුණා. නමුත් තම මව නිවසේ වැඩ පහසු කරගැනීමට නිර්මාණය කළ විවිධ උපකරණ හා ක්‍රම දුටු කුඩා ටෙස්ලාට අවශ්‍ය වුණේ තාක්ෂණය ඉගෙනගැනීමටයි.

දිනක් ඔහුගේ සුරතල් බළලාගේ ලෝම වලින් හටගත් කුඩා ස්ථිති විද්‍යුත් ධාරාවක් වැදුණු ටෙස්ලා තමන් විදුලිය ගැන ඉගෙනගත යුතු බව තීරණය කළා.

කළක් තම උපන්බිමේ දුම්රිය සමාගමක ට්‍රොලි සම්බන්ධව සේවය කළ ටෙස්ලා තම ජීවිතයේ ගත් සාධනීයම තීරණයක් ගන්නවා. ඒ ඇමරිකාවට සංක්‍රමණය වීමටයි.

ඔහු ඇමරිකාවට එන්නේ ඇඳුම් කිහිපයක්, මග වියදමට මුදල් ස්වල්පයක් සහ තමාව හඳුන්වාදීමේ ලිපියක් පමණක් සහිතවයි. ඔහු සේවයට යන්නේ ඒ මහා “ශ්‍රේෂ්ඨ විද්‍යාඥයා” වූ තෝමස් අල්වා එඩිසන්ගේ විද්‍යාගාරයටයි.

එහිදී ටෙස්ලා කලක් පුරාවට බොහෝ පර්යේෂණ වල නියැලෙමින් බොහෝ නිර්මාණ කරනවා. එඩිසන් දැන සිටියේ සහ අලෙවි කලේ DC (සරළ ධාරා) විද්‍යුතයයි. එකළ එය ඉතාම මිළ අධික සේවාවක් වුණා.

සෑම වර්ග සැතපුමකටම පමණ බලාගාරයක් අවශ්‍ය වීම,සම්ප්‍රේෂණය සඳහා ඝනකම් රැහැන් අවශ්‍ය වීම,ගිණිගැනීම් අධික වීම,ගින්නෙන් විදුලි පද්ධතියට සිදුවන හානි ප්‍රතිසංස්කරණය කිරීමට අධික වියදමක් යාම

ආදී හේතූන් නිසා එඩිසන් මෙම ව්‍යාපාරයෙන් අධික ලාභ උපයන්නට සමත් වුණා.

ටෙස්ලා තමන්ට වඩා අතිදක්ෂයෙක් බව තේරුම්ගන්නා එඩිසන් අවසන් වරට ටෙස්ලාට භාරදෙන ව්‍යාපෘතිය වූයේ ඔහුගේ DC ජෙනරේටර් සහ මෝටර් වල දෝෂ නිරාකරණය කර දෙන ලෙසටයි. ඒ සඳහා ඇමරිකානු ඩොලර් 50,000ක මුදලක් ටෙස්ලාට දීමටත් ඔහු පොරොන්දු වෙනවා. ටෙස්ලා දිවා රෑ නොබලා මෙම කාර්යය අවසන් කර එඩිසන්ට භාරදී පොරොන්දු වූ මුදල් ඉල්ලනවා.

එවිට එම මුදල් දීම ප්‍රතික්ෂේප කරමින් එඩිසන් ටෙස්ලාට මෙසේ පවසනවා

“Tesla, you don’t understand our American humour”

“ටෙස්ලා, ඔබට ඇමරිකානු අපගේ කවටකම් තේරේන්නේ නෑ”

එඩිසන් සහ ටෙස්ලා බිඳීයාම මෙසේ ඇරඹෙනවා. නිකොලා ටෙස්ලා වෙනම විද්‍යාගාරයක් අරඹනවා. මේ සඳහා මූල්‍ය අනුග්‍රහය ලබාදීමට එකඟ වන්නේ J.P. Morgan සහ George Westinghouse සමාගම් දෙක පමණයි.

දැන් තමයි නිකොලා ටෙස්ලා නියමෙටම වැඩ පටන්ගන්නෙ. ඔහු AC (ප්‍රත්‍යාවර්ථ ධාරා) විදුලිය ලොවට ගෙනෙනවා. ඔහු ලොව ප්‍රථම ජල විදුලි බලාගාරය නයගරා දියඇල්ලේ ඉදිකරන්නේ ජලයෙන් විදුලිය නිපදවීම පිළිබඳව කිසිඳු අදහසක් ලෝකයට නොතිබූ යුගයකයි.

මුළු පළාතකටම එක් බළාගාරයක් හොඳටම ප්‍රමාණවත් වීම,සම්ප්‍රේෂණය හා බෙදාහැරීම සඳහා තුනී රැහැන් ප්‍රමාණවත් වීම,නිෂ්පාදන හා නඩත්තු ගාස්තු ඉතා අවම වීම

ආදී හේතු නිසා අප අදටත් පාවිච්චි කරන ටෙස්ලාගේ මෙම AC විදුලිය එදා අතිශයින් ජනප්‍රිය වන්නට පටන්ගන්නේ තෝමස් අල්වා එඩිසන්ගේ ව්‍යාපාර වලට මරු පහරක් එල්ල කරමිනි.

එඩිසන් නිකන් සිටියේ නැත. ඔහු පාසැල් ළමුන්ට මුදල් ලබාදී නිව්යෝක් නිවෙස් වලින් සුරතල් බල්ලන් සහ පූසන් සොරාගත්තේය. අවසානයේ අශ්වයන් සහ ඇතින්නක්ද සොයාගත්තේය. ටෙස්ලාගේ AC විදුලිය අනතුරුදායක බව පෙන්වීමට මේ “ශ්‍රේෂ්ඨ විද්‍යාඥයා” එම සියළු සතුන් ප්‍රසිද්ධියේම AC විදුලිය වද්දවා පණපිටින් පුළුස්සා මරා දැම්මේය.

අසමසම මොළයක් තිබූ ටෙස්ලා මීට කදිම උපායක් යෙදුවේය. Faraday Cage එකක් ආකාරයට සාදාගත් ඇඳුමක් ඇඳගත් නිකොලා ටෙස්ලා ප්‍රසිද්ධියේ තම සිරුර හරහා ඉතාමත් අධික විදුලියක් යවාගෙන පෙන්වමින් තම නිෂ්පාදනය ආරක්ෂිත බව පෙන්වුවා.

මේ සමග කුජීත වී යන එඩිසන්ගේ DC විදුලිය සැම අතින්ම ප්‍රතික්ෂේප වී දුප්පතාගේ හිතවතා වූ ටෙස්ලාගේ AC විදුලිය ලොව පුරා ජනප්‍රිය වෙනවා (අදටත් ඔබේ නිවසේ භාවිතා වන්නේ AC විදුලියයි).

ශ්‍රේෂ්ඨ විද්‍යාඥ තෝමස් අල්වා එඩිසන් පරාජය භාරගත්තා යැයි ඔබා සිතනවාද? ඔහු ටෙස්ලාගේ විද්‍යාගාරයට ගිණිතබා ටෙස්ලාගේ සටහන් විනාශ කරනවා…

නමුත් එඩිසන්ගේ මෙම උත්සාහයද ව්‍යර්ථ වන්නේ මානව ඉතිහාසයේ බිහිවූ අසමසම හා අසාමාන්‍ය මොළයක් හිමි නිකොලා ටෙස්ලා ඉදිරියේ තෝමස් අල්වා එඩිසන්ට තිබුණේ ළදරු මොළයක් බව ඔහුට අමතක වීම නිසාය.

නිකොලා ටෙස්ලාට භාෂා 8ක් කතා කළ හැකි විය.

Serbian, English, Czech, German, French, Hungarian, Italian සහ Latin ඒවාය.

ඔහුට එක්වරක් පමණක් කියවීමෙන් පසූ සම්පූර්ණ පොතක්ම නැවත ඒ අයුරින්ම ලිවිය හැකි මතකයක් විය.

ඉතාම සංකීර්ණ ත්‍රිමාණ සටහනක් මොළයෙන් නිර්මාණය කරගෙන කිසිඳු සටහනක් නොමැතිව 100%ක් අංගසම්පූර්ණව එය නිර්මාණය කළ හැකි විය.

මෙවැනි මොළයකට සටහන් ගිණිතැබීමෙන් සිදුවූ හානිය ඉතාම අවම විය.

එඩිසන්ගේ මූල්‍ය අනුග්‍රහය යටතේ අප කවුරුත් දන්නා ගුග්ලි එල්මෝ මාකෝනි රේඩියෝව සොයාගත්තේය. නමුත් ඔහු සැබැවින්ම කලේ ටෙස්ලාගේ සොයාගැනීම් හා පේටන්ට් 17ක් භාවිතා කරමින් ලොව ප්‍රථම ගුවන්විදුලි පණිවුඩය යැවීමයි (රේඩියෝවක් ගලවා එහි ඇති ටෙස්ලා කොයිල්, ට්‍රාන්සිස්ටර් ආදිය බලන්න). ටෙස්ලා මේ ගැන මාධ්‍ය වලට පිළිතුරු දුන්නේ

“Marconi is a good fellow. Let him continue. He is using seventeen of my Patents”

ලෙසයි. ඉතාම මෑතකදි දුන් නඩු තීන්දුවකින් නැවතත් ගුවන්විදුලිය සොයාගැනීමේ ගෞරවය ටෙස්ලාට ලැබුණු නමුත් අදටත් බහුතර ලෝකය එය දන්නේ නැත.

රේඩාර් සොයාගැනීමේ ගෞරවය ලැබෙන්නේ රොබට් වොට්සන් හටයි (1935දී). නමුත් 1917දී පළමු ලෝක යුද්ධයේදී ඇමරිකානු නාවික හමුදාව වෙනුවෙන් මුලින්ම රේඩාර් තාක්ෂණය සොයාගන්නේ නිකොලා ටෙස්ලාය. අවාසනාවට එවකට නාවික හමුදාවේ Research & development අංශයේ ප්‍රධානියා වූයේ එඩිසන්ය. ඉතිරිය ඔබම සිතාගන්න.

ටෙස්ලා තවත් ඇදහිය නොහැකි සොයාගැනීම් රැසක් සිදුකලේය.

ඔහු ට්‍රාන්සිස්ටරය සම්බන්ධ මූලික සොයාගැනීම් නොකරන්නට ඔබ අද අන්තර්ජාලයට එන්නේද නැත.

අදටත් පරීක්ෂණ මට්ටමේ ඇති Cryogenic Engineering පිළිබඳව වසර 100කට පෙර ඔහු පරීක්ෂණ කළේය.

අභ්‍යාවකාශයෙන් එන ගුවන්විදුලි තරංග රෙකෝඩ් කල ලොව පළමු විද්‍යාඥයාය.

භූමිකම්පා නිපදවිය හැකි යන්ත්‍රයේ නිර්මාණකරු. (මෙහි පරීක්ෂණ කරන විට මුළු නිව්යෝක් නගරයටම භූමිකම්පාව දැනී ඇත. මෙම තාක්ෂණයෙන් (HAARP) කාළගුණයද පාලනය කලහැකි අතර ලෝකයේ භයානකම ආයුධය ලෙස සැලකේ)

පෘථිවියේ අනුනාද සංඛ්‍යාතය සොයාගත් විද්‍යාඥයා (මෙම අගය නිවැරදි බව තහවුරු කරගැනීමට පමණක් ලෝකවාසී විද්‍යාඥයන්ට තවත් වසර 50ක් ගතවිය).

බෝල අකුණු ඇතිවන ආකාරය තවමත් විද්‍යාඥයන්ට නිශ්චිතව කිව නොහැක. නමුත් 1890 කාලයේදී ටෙස්ලා බෝල අකුණු නිර්මාණය කලේය.

දුරස්ථ පාලකය.රැහැන් රහිත සන්නිවේදනය.නියෝන් ලයිට්.ෆ්ලොරොසන්ට් ලයිට් (ටියුබ් ලයිට්).AC මෝටරය (බ්ලෙන්ඩරයේ ෆෑන් එකේ වායුසමීකරණයේ සිට කර්මාන්තශාලා වල දැවැන්ත යන්ත්‍ර දක්වා ඇත්තේ AC මෝටර්ය).විද්‍යුත් චුම්බක ක්ෂේත්‍රයක් මත ගමන් කරන පාවෙන පීරිසිය රැහැන් රහිත විදුලි සම්ප්‍රේෂණය

ඔබ සිතන්නේ මේවා සොයාගත්තේ කවුරුන් කියාද?

ටෙස්ලා ලොවට අවසන් වරට දායාද කලේ මෑන්හැටන් දූපතේ ඉදිකල ටෙස්ලා කුළුණයි. එම තනි කුළුණ මගින් වායුගෝලයට ඉහලින් ඇති අයනගෝලය භාවිතාකර “මුළු ලෝකයටම රැහැන්‍ රහිතව” නොමිලේ විදුලිය ලබාදීමට හැකිවිය.

මෙලෙස බැලූ කල නිකොලා ටෙස්ලා කෝටිපතියෙකු විය යුතුය.

නැත. ඔහු සැමවිටම මිනිසුන්ට අඩු මිලට විදුලිය ලබාදීමට හා ජල, සූර්ය, සුළං ඇතුළු පුර්ජනනීය බලශක්තිය හඳුන්වාදීමට කටයුතු කල කෙනෙකි. තව වසර 50000කට ප්‍රමාණවත් තෙල් පොළොවේ ඇතැයි සිතූ එම කාලයේ එඩිසන් සිතුවේ අනාගතය තෙල් මත රැඳෙනු ඇතැයි කියාය. නමුත් අසාමාන්‍ය ටෙස්ලා යුග ගණනක් අනාගතය දැක්කේය.

නොමිලේ මිනිසුන්ට විදුලිය දෙනවිට ඉන් ලාභ උපයන්නේ කෙසේද? මේ නිසාම ආයෝජකයන් සියල්ල ටෙස්ලා අත්හැරියහ. ටෙස්ලා ණය වෙමින් ලොවට සෙත සැදුවේය. විශේෂයෙන් කුරුල්ලන්ට හා අනෙක් සියළු සතුන්ට ඉමහත් ආදරයක් දැක්වූ මේ අවිවාහකයා 86 හැවිරිදි වියේදී සිය හෝටල් කාමරය තුලදී දුප්පතෙකු ලෙස දිවියෙන් සමුගත්තේය. වංචනික ව්‍යාපාරික එඩිසන් ගැන සැවොම දන්නා නමුත් ලොවක් තැනූ ටෙස්ලා ගැන පාසැල් පෙළපොතක වත් උගන්වන්නේ නැත. නමුත් අපගේ දරු මුණුබුරන්ද ඔහුට ණයගැතිය.

ඉතින් සියවසේ විද්‍යාඥයා වීමට වඩා සුදුසු බොහෝදුරට සෛද්ධාන්තික විද්‍යාඥයෙකු පමණක් වූ ඇල්බට් අයින්ස්ටයින්ද නැතහොත් වසර සිය ගණනක පෘථිවියේ අනාගතය තනිව තම දෑතින් ගොඩනැගූ නිකොලා ටෙස්ලාද යන්න සිතා බැලීම ඔබ සතුය.

 

සිංහයාගේ ගුහාවට තනිව ඇතුළු වූ, ඩෙමෙස්කස් හි යුදෙව්වා

යුදෙව් ඉතිහාසයේ බොහෝ තැන් යුධ කතාවලින් ආඩ්‍ය වුණු ඉතිහාසයක්. මේ ගැන අධ්‍යයනය කිරීමේ දී පැහැදිලිවම පෙනෙන කරුණක් තමයි, යුදෙව්වන් බොහෝ අවස්ථාවල දී යුධමය ක්‍රියාමාර්ගවලින් ලෝකයේ තමන්ට හිමි ස්ථානය ලබා ගන්න උත්සාහ කළා කියන කාරණාව. මේ වගේ යුධමය ක්‍රියාකලාපයන් නිසාම ජර්මනිය සමග ඇති වුණු යුද්ධයේ දී හිට්ලර් අතින් යුදෙව්වන් දහස් ගණනක් සමූල ඝාතනයට ලක් වෙනවා. මේ කියන්නෙ යන්නෙ ඒ කතාව නෙවෙයි. ඊශ්‍රායලය සහ සිරියාව අතර ඇති වුණු සය දින යුද්ධයේ (Six-Day War) “ගොලන් හයිට්ස්” (Golan Heights) මෙහෙයුමේ දී ඊශ්‍රායල් රහස් ඔත්තුකරුවෙකු වූ “එලී කොහෙන්” (Eli Cohen) ඊශ්‍රායලය වෙනුවෙන් දිවි පරදුවට තබමින් තමන්ගෙ දායකත්වය දැක්වූ ඒ ඉතිහාස කතාන්තරය‍ යි.

ඔත්තුකරුවෙකු වීම

1967 වර්ෂයේ සිරියාව හා ඊශ්‍රායලය අතර ඇති වුණු සය දින යුද්ධයේ Golan Heights මෙහෙයුම, ඊශ්‍රායල් හමුදා බලඇණිවලට ජයග්‍රහණය කරන්න අවස්ථාවක් ලැබෙන්නෙ එලී කොහෙන්ගෙ අතිශය දූරදර්ශි සහ වැදගත් රහස් ඔත්තු සැපයීම නිසා යි. මේ යුද්ධයේ නිහඬ යුධ විරුවා වන එලී කොහෙන්, උපත ලබන්නෙ යුදෙව් සම්භවයක් සහිත දෙමාපියන්ට දාව 1924 ඊජිප්තුවේ දී. මේ දෙමාපියන් සිරියාවේ “ඇලෙප්පෝ” කියන ප්‍රදේශයේ ඉඳල, “ඇලෙක්සැන්ඩ්‍රියාවට” සංක්‍රමණය වුණු පිරිසක්. 1949 ඊශ්‍රායල් රාජ්‍යය පිහිටුවා ගැනීමෙන් ඉතාම කෙටි කාලයක් ඇතුළත, කොහෙන්ගේ දෙමාපියන් ඔහුගේ සහෝදරයාත් සමග ඊශ්‍රායලයට සංක්‍රමණය වෙනවා. නමුත් දෙමාපියන් සමග ඊශ්‍රායලයට සංක්‍රමණය නොවෙන, කොහෙන් යුදෙව් ක්‍රමවේදයන් සහ යුදෙව්වාදී මතිමතාන්තර සංවිධානය කරමින් ඊජිප්තුවේම නතර වෙනවා. කොහොම නමුත්, 1955 වර්ෂයේ දී ඊශ්‍රායලයේ අවශ්‍යතාවයක් පරිදි, කොහෙන් ඊශ්‍රායලයට කැඳවීමක් කරනු ලබනවා. ඒ රහස් ඔත්තුකාරයෙකු ලෙස පුහුණු කිරීමේ අරමුණින්. පුහුණුව අවසානයේ යුදෙව්වාදී උපායමාර්ගයන්ට සහාය දැක්වීමේ අරමුණින් ඔහු නැවත ඊජිප්තුව වෙත ගමන් කරනු ලැබුවත්, 1956 දී ඊශ්‍රායලය හා ඊජිප්තුව අතර ඇති වන “සිනායි යුද්ධය” (Sinai Campaign) නිසා ඊජිප්තුවේ සිටි සියලුම යුදෙව්වන් පිටුවහල් කරනු ලබනවා. මේ පිරිස සමග කොහෙන්ටත් නැවත ඊශ්‍රායලයට පැමිණෙන්න සිදුවෙනවා. ඊශ්‍රායලයට පැමිණෙන කොහෙන්, 1959 වර්ෂයේ දී “නාඩියා මජාල්ඩ්” (Nadia Majald) සමග විවාහ වී දරුවන් තිදෙනෙකුගේ පියෙකු බවට පත්වෙනවා.

මොසාඩ් රහස් ඔත්තුකරු එලී කොහෙන්

සිරියාවේ මෙහෙයුම

1960 දී එලී කොහෙන්, ඊශ්‍රායල් බුද්ධි අංශය වන “මොසාඩ්” සංවිධානයට අනුයුක්තව සිරියාවේ මෙහෙයුමක් සඳහා පිටත් කර හරිනවා. මේ මෙහෙයුම සඳහා විශේෂයෙන්ම කොහෙන්ව සම්බන්ධ කරගන්න හේතු වුණේ, ඔහුගේ අරාබියානු පෙනුම සහ අරාබි, ඉංග්‍රීසි, ප්‍රංශ භාෂා හා සංස්කෘතීන් පිළිබඳ ඔහු සතු වුණු හසල දැනුම් සම්භාරය යි. මේ මෙහෙයුම සඳහා කඩිනමින් සූදානම් වුණු කොහෙන්ගේ මෙහෙයුමේ පළමුවැනි පරමාර්ථය වුණේ, කමාල් අමීන් ටා’අබෙට් (Kamal Amin Ta’abet) නමින් වෙස්වලා ගනිමින්, බුවෙනෝ ප්‍රදේශයේ ජීවත් වීම. මීට හේතුව වුණේ, ඔහු සිරියාව හැර ගොස් ආජන්ටිනාවේ ජීවත් වෙමින් සිටින සිරියානුවෙක් බවට නමක් ඇතිකර ගැනීම යි.

වසරක කාලයක් ඉතා පොහොසත් සහ සමාජසේවා කටයුතුවල නිරත වන ව්‍යාපාරිකයෙකු ලෙස ආජන්ටිනාවේ නමක් දිනාගන්නා ඔහු, දේශපාලඥයින් සහ රාජ්‍යතාන්ත්‍රික දූතයින් සමග ඉතා සමීප සබඳතාවක් ගොඩනඟා ගනු ලබනවා. වයින් සහ ස්ත්‍රීන් ප්‍රිය කරන ඕනෑම ඉහළ නිලධාරියෙකුට කමාල් ලෙස වෙස්ගෙන ඉන්න එලීගෙ නිවස හැමවිටම විවෘතව පැවතුණා. නිලධාරීන් හට මත්වෙන තෙක් මධුවිතින් හොඳින් සංග්‍රහ කරන එලී, තාමත් මත් බවක් අඟවමින් රාජදූතයින් සමග දොඩමළු වී ඉතාම අවධානයෙන් සිට ඔවුන්ගේ රහස්‍ය තොරතුරු එළියට ගනු ලබනවා. මේ ආකාරයට මධුවිතින් සහ ස්ත්‍රීන් උපකාර කර ගනිමින් ඇතිකරගනු ලබන මිත්‍රත්වයක් ආශ්‍රය කර ගනිමින්, 1962 දී ඔහු සිරියාවේ අගනුවර වන ඩෙමෙස්කස් අගනුවරට සංක්‍රමණය වෙනවා. 1964 දී සිරියාව විසින් ඊශ්‍රායලයට ජලය සැපයෙන ප්‍රධාන මාර්ගයක් වන, ජෝර්දාන් නදිය කින්නරෙට් ජලාශය (Lake Kinneret) ආසන්නයෙන් වෙනත් මාර්ගයක් ඔස්සේ හරවා යැවීමට ප්‍රයත්නයක් දරනවා. මේ පිළිබඳ තොරතුරු ලබා ගන්නා එලී කොහෙන්, අදාළ රහස්‍ය තොරතුරු ඊශ්‍රාලයට ලබා දීමෙන් අනතුරුව, ඊශ්‍රායෙල් ගුවන් හමුදාව විසින් හෙලන ලද බෝම්බ ප්‍රහාරවලින් අනතුරුව, උක්ත ප්‍රයත්නය නතර කර දැමීමට කොහෙන් සමත් වෙනවා.

ගොලෙන් හයිට්ස් මෙහෙයුමේ දායකත්වය

Golen Heights මෙහෙයුමේ දී එලී කොහෙන්, ඊශ්‍රායලය වෙනුවෙන් ඉතා ඉහළ රහස් ඔත්තු සේවයක් ලබා දෙනු ලබනවා. ඊශ්‍රායලය සම්පුර්ණයෙන්ම මේ යුද්ධයේ ජයග්‍රහණය කරා එළඹෙන්නේ එලී ලබා දෙන තොරතුරු පදනම් කර ගනිමින්. Golen Heights ප්‍රදේශයේ ආරක්ෂක විධිවිධාන නිරීක්ෂණය කිරීම සඳහා අවසර ලැබී තිබුණේ, සිරියාවේ ඉහළම හමුදා නිළධාරීන්ට පමණයි. නමුත් දේශපාලන හා රාජ්‍යතාන්ත්‍රික මිත්‍රත්වය පදනම් කර ගනිමින් එලී කොහෙන්, මෙම ආරක්ෂක විධිවිධාන සියල්ල නිරීක්ෂණය කිරීමට සමත් වෙනවා. මේ ස්ථානයේ දී එලී කොහෙන්, ඉහළ සිරියා නිලධාරීන්ට ඉතා අවංක සහ හේතුසහගත උපක්‍රමයක් සිහිගන්වනවා. සය දින යුධ වික්‍රමයේ ප්‍රධාන යුධ ජයග්‍රහණ උපායමාර්ගය එලී කොහෙන්ගේ මේ උපාය මාර්ගය බව තමයි ඊශ්‍රායල් යුධ ඉතිහාසයේ සටහන් වෙන්නෙ. එලී කොහෙන්ගේ අදහසට අනුව සැඟ වී සිට සූක්ෂමව පහර දීමට නම්, අදාළ ආරක්ෂිත ස්ථානවල ගස් සිටුවිය යුතු බවට සිරියා නිලධාරීන්ට ඒත්තු ගන්වනවා. එවිට ආයුධ සහ හමුදා බලඇණි ගස් අතරේ සඟවා තබමින් පහර දිය හැකි බව ඔහු පැහැදිලි කරනවා. මෙහි හේතුසහගත බව තේරුම් ගනු ලබන නිලධාරීන් අදාළ ප්‍රදේශය තුළ ගස් වැවීම සිදුකරනු ලබනවා. 1967 දී ඊශ්‍රායලය විසින් Golen Heights යුද්ධය සිදුකරනු ලබන අවස්ථාවේ සිරියා බලඇණිවලට ප්‍රහාර එල්ල කිරීමේ දී, එලී ලබා දී තිබූ ඔත්තු ඔස්සේ යමින් මෙම ගස් ගොමු ඉලක්ක කරගත් බව සඳහන් වෙනවා. ඒ අනුව සිරියාවට Golen Heights අහිමි වීමට එලීගේ මෙම උපක්‍රමය ඉවහල් වුණු බව පැහැදිලිවම පෙනෙනවා.

සිරියාව හා ගොලෙන් හයිට්ස් දේශ සීමාව අසල රැඳී සිටින සෙබළුන්

ඔත්තුකරුවාගේ අවසන් ඔත්තුව

1962 සහ 1965 අතර කාලය තුළ එලී කොහෙන්, සිය මව්බිම වන ඊශ්‍රායලයට පැමිණ ඇත්තේ තෙවතාවක් පමණයි. 1964 දී ඊශ්‍රායලය පැමිණි අවස්ථාවේ සිරියා බුද්ධි අංශයේ නව අණදෙණ නිලධාරී, කර්නල් අහ්මඩ් සු’එඩානි (Colonel Ahmed Su’edani) තමා පිළිබඳ සැක කරන බවට ඊශ්‍රායෙල් බුද්ධි අංශයට දැනුම් දී, තමාගේ මෙහෙයුම අවලංගු කරන ලෙස කොහෙන් ඉල්ලා සිටිනු ලැබූවත්, ඊශ්‍රායෙල් බුද්ධි අංශය විසින් අවසන් මෙහෙයුමක් සඳහා නැවත එකම එක් වතාවකට පමණක් සිරියාවට යන ලෙස එලී කොහෙන්ගෙන් ඉල්ලා සිටිනවා.

1965 ජනවාරි මස රුසියාවේ සහාය ඇතිව ඉතා සූක්ෂම ඔත්තු සේවා ග්‍රහණය කර ගැනීමේ උපාංග භාවිතා කරමින් සිරියානු රහස් තොරතුරු ඊශ්‍රායලයට ලබා දෙනු ලබන භෞතික සම්ප්‍රේෂණ ස්ථානය හඳුනාගැනීමට සිරියානු බුද්ධි අංශයට හැකියාව ලැබෙනවා. ඒ අනුව 1965 දී සිරියානු හමුදාව විසින්, රහස් තොරතුරු සම්ප්‍රේෂණය කරනු ලබන අතරතුර අවස්ථාවක දී එලී කොහෙන් අත්අඩංගුවට ගනු ලබනවා. අත්අඩංගුවට ගැනීමෙන් අනතුරුව යුද්ධාධිකරණය දඬුවම් ලිහිල් කර ගැනීමට කොහෙන් උත්සාහ කරනු ලැබුවත් ජාත්‍යන්තර නායකයින්, රාජ්‍යතාන්ත්‍රික දූතයන් සහ IV වැනි පාවුල් පාප්වහන්සේ විසින් පවා ඉදිරිපත් කළ සියලුම අභියාචනා සිරියානුවන් විසින් ප්‍රතික්ෂේප කරනු ලබනවා. ඒ අනුව ඔහුට අවසන් වතාවට සිය බිරිඳට ලිපියක් ලිවීමටත්, ඉතා කෙටි වේලාවකට යුදෙව් ධර්මාචාර්යවරයෙකු මුණගැසීමටත් පමණක් අවස්ථාවක් ලබාදුන් අතර 10,000කට අධික ජනතාවක් ඉදිරියේ එල්ලා මරා දැමුණා.

1965 මාර්තු මස 18 දින එලී කොහෙන් එල්ලා මරා දැමුණු අවස්ථාව

එලී කොහෙන්ගේ පවුලේ ඥාතීන්, ඔහුගේ සිරුරේ ඉතිරි වූ කොටස් ඊශ්‍රායල් භූමියේ භූමිදානය කිරීමේ අරමුණින්, නැවත ඊශ්‍රායලයට බාර දෙන ලෙස ඉදිරිපත් කළ සියලුම ඉල්ලීම් සහ පෙත්සම් සිරියාව විසින් ප්‍රතික්ෂේප කරනු ලැබුවා. මෑත කාලීනව 2009 වර්ෂයේ දී, XVI වන බෙනඩික් පාප් වහන්සේට මේ සඳහා මැදිහත් වන ලෙස ඔහුගේ ඥාතීන් ඉල්ලා සිටිනු ලැබූවත්, එලී කොහෙන්ගේ සිරුරේ කිසිඳු කොටසක් මේ වනතෙක් ඊශ්‍රායලයට බාර දීමට සිරියාව කටයුතු කර නැහැ.

එලී කොහෙන්ගේ ජාතිමාමකත්වය සහ නිර්භීතභාවය ඔහුට සමස්ථ ඊශ්‍රායෙල් ‍රාජ්‍යයේ ගරුබුහුමන් ලැබීමට තරම් හේතු වුණා. ඔහුගේ 40 වැනි ගුණානුස්මරණයේ දී ඊශ්‍රායෙල් අගමැති ඒරියල් ශැරෝන් (Ariel Sharon) ඔහු පිළිබඳව සඳහන් කළේ, “සිංහයාගේ ගුහාවට තනිව ඇතුළු වූ පසු පුරාවෘතගත වූ සටන්කරුවා” (Fighter who become a legend when he entered Lion’s den alone) යනුවෙනුයි. සිංහයාගේ ගුහාවෙන් පණ රැක ගනිමින් නැවත එළියට පැමිණීමට නොහැකි වූවත්, ඊශ්‍රායල් ඉතිහාසය තුළ හා යුදෙව් හදවත් තුළ ඔහුගේ නාමය “ඩෙමෙස්කස් හි අපේ මිනිසා” (Our Man in Damascus) යනුවෙන් අදටත් විරුදාවලී ලබනවා.

ගොලෙන් හයිට්ස්හි ඉදිකර ඇති එලී කොහෙන් අනුස්මරණ ස්මාරකය

මීට අමතරව තවත් කාරණාවක් මතක් කරන්න කැමතියි. එලී කොහෙන්ගේ ජීවිත කතාව අලලා මේ වන විට The Spy නමින් කෙටි ටෙලිකතා මාලාවක් අන්තර්ජාලයට නිකුත් වෙලා තියෙනවා. ඔහුගේ ජීවිත කතාව රූපරාමු සමග නැරඹීමට අවශ්‍ය නම් ඒ සඳහා අවස්ථාවක් එළඹිලා තියෙන බවත් මෙයින් දැනුම් දෙනවා.

ගත්තේ මෙතනින්

https://roar.media/sinhala/main/history/eli-cohen-six-day-war-golan-heights

ඊශ්‍රායලයේ " මොසෑඩ්" රහස් ඔත්තු සේවාවේ සිටි කීර්තිමත් රහස් ඔත්තුකරුවෙක් වන එලී කොහෙන් ( Eli Cohen) විසින් පළදන ලද බව කියන අත් ඔරලෝසුව වසර 53 කට පසුව සොයා ගැනීමට එම රහස් ඔත්තු සේවයට හැකිවූ බව එරට අගමැති කාර්යාලය  වාර්තා කරනවා.

ජිප්තුවේ උපත ලැබූ  Eli Cohen ඊශ්‍රායලය විසින් මොසෑඩ් ඔත්තු සේවාව සඳහා බඳවා ගනු ලබන්නේ 1960 වසරේදී. ඔහු ඉන් පසුව සිරියාවේ සිට එම රජයේ රහස් සියල්ලම ඊශ්‍රායලයට ලබා දීමට කටයුතු කළ විශිෂ්ඨ ඔත්තුකරුවෙක් බවයි මොසෑඩ් සංවිධානය හදුන්වනු ලබන්නේ.

කෙසේ වුවත් රාජ්‍ය රහස් ලබා දීම සම්බන්ධයෙන් 1964 වසරේදී ආරක්ෂක අංශ විසින් Eli Cohen ව සිරභාරයට ගන්නා අතර පසුව 1965 දී සිරියාවේ, දමස්කස් අගනුවරදී ප්‍රසිද්ධියේ එල්ලා මරා දමනු ලැබුවා. 

එසේ එල්ලා මරා දමන ලද Eli Cohen ගේ සිරුර තැන්පත්කළ ස්ථානය පවා රහසක් වශයෙන් තබා ගැනීමට සිරියානු බලධාරීන් පියවර ගත් අතර මෙම අත් ඔරලෝසුව ඔහු අත්අඩංගුවට ගන්නා අවස්ථාවේදී පැලඳ සිට ඇති බවටයි වාර්තා වන්නේ.

මොසෑඩ් සංවිධානය විසින් සිදුකළ දීර්ඝ මෙහෙයුමකින් අනතුරුව Eli Cohen විසින් පළඳන ලද අත් ඔරලෝසුව යලි ඊශ්‍රායලය බලා රැගෙන පැමිණි බවයි වාර්තා වන්නේ.

1962 වසරේදී ව්‍යාපාරිකයෙක් වශයෙන් ව්‍යාජව පෙනී හිදිමින් සිරියාව සමග ගනුදෙනු කිරීමට පටන් ගන්නා ඔහු අවස්ථා ගණනාවකදී එහි සංචාරයේ නිරත වෙමින් ඊශ්‍රායලය වෙනුවෙන් ඔත්තු බැලීමේ නිරතව සිට තිබෙනවා. සිරියානු දේශපාලකයින් සහ උසස් බලධාරින් සමග ඇති කර ගත් යහපත් සම්බන්ධතා හේතුවෙන් එරට රාජ්‍ය රහස් විශාල වශයෙන් දැන සිටි පුද්ගලයෙක්වූ Cohen ඒවා නියමිත ආකාරයට ඊශ්‍රායලයට ලබා දීමට පියවර ගනු ලැබුවා. 

එසේ ලබා දුන් තොරතුරු අතර 1967 වසරේ අරාබි යුද්ධයේදී ගෝලන් හයිට්ස් හිදී සිරියානුවන් පරාජය කිරීමට Eli Cohen ඝාතනය වීමට පෙර ලබාදුන් තොරතුරු ඉවහල් වී තිබෙනවා.

සිරියාව වරක තම රටේ නියෝජ්‍ය ආරක්ෂක අමත්‍යවරයා ලෙස Eli Cohen තෝරා පත්කර ගැනීමේ සුදානමක් පැවති බවද සදහන්. 

එලෙස සොයා ගනු ලැබූ Eli Cohen ගේ අත් ඔරලොසුව පසුගියදා ඔහුගේ බිරිඳ වෙත ලබාදීමට එරට අගමැති කාර්යාලයේදී සිදුවිය. එහිදී අගමැති බෙන්ජමින් නෙතන්නියාහු කියා සිටියේ " ඊශ්‍රයලයේ ආරක්ෂාව වෙනුවෙන් ඉමහත් කැප කිරීමක් සිදුකළ පුද්ගලයෙකු වෙනුවෙන් ඔහුගේ මතකය රඳවා තැබීමට හැකි සිහිවටනයක් යලි මව්බිමට රැගෙන ඒම වෙනුවෙන් සිදුකළ කැපකිරීම් වෙනුවෙන් තමන් "මොසෑඩ්" ඔත්තු සේවයේ නිලධාරින් පිළිබඳව සතුටට පත්වන බවයි."

 කළුගංතොට තේක්ක මන්දිරය

1889 නොවෙම්බර් 12 වන දින කොළඹ දී උපත ලැබූ “දොන් ආතර් ද සිල්වා විජේසිංග සිරිවර්ධන”ගේ පියා වූයේ එවකට ඉඩම් හිමි ධනවතෙක් වූ පවුලිස් සිල්වා යි. ඔහුගේ මව ඉසබෙලා විජේසිංහ යි. කළුතර මෙන්ම කොළඹ ද දේපල රාශියක් මේ පවුලට හිමිව තිබුණා. ආතර්ට තවත් සොයුරියක් සහ සොයුරෙක් ද සිටියා. කතෝලික ආගම වැළඳගැනීම නිසා සිය දරුවන් තිදෙනාට එංගලන්තයේ දී අධ්‍යාපනය ලබා දීමට පවුලිස්‌ ද සිල්වා විජේසිංහට අවස්ථාව හිමිවුණා. ඒ අනුව ආතර් ද සිල්වාත් එංගලන්තය බලා නැව් නැග, එහි දී ඉගෙනීම කරගෙන ගියා. මේ අතර වයස අවුරුදු 63 දී පවුලිස් සිල්වා රෝගාතුරව මෙලොවින් සමුගත්තා. ඒ 1901 දී යි. එංගලන්තයේ සිටි කාලයේ ආතර් එරට රජ පවුල සමග ද, ඉන්දියාවේ මහරාජාවරුන් සමග ද සම්බන්ධතා ගොඩනගාගැනීමට තරම් දක්ෂයෙකු වුණා.

පඩිකාර මුදලි

ලංකාවට පැමිණ ටික කලකින්ම ඉංග්‍රීසි ආණ්ඩුව ආතර්ට සිය හිතවත්කම ප්‍රකාශ කළේ පඩිකාර මුදලි නම් වැටුප් ගෙවන මුදලි තනතුරක් ප්‍රදානය කිරීමෙන්. එය එවකට පැවති ඉහළම නම්බු නාමයක් වුණා. ආතර් යටතේ තවත් මුදලිවරුන් 12 දෙනෙකු සිටියා. 40 දෙනෙකුගෙන් යුත් ලස්කිරිඤ්ඤ හමුදාවක් ද ඔහුට තබාගත හැකි වුණා.

තරුණ ආතර් වැඩිපුර කල්ගත කළේ ඔහුට අයත් කළුතර තේක්ක බංගලාව නම් වතුයායේ. එය පිහිටා තිබුණේ දැන් පොලිස් අභ්‍යාස විද්‍යාලයය පිහිටන තැන යි. තනිකඩ මුදලිවරයාගේ ජීවිතයේ අඩුව පිරවීමට විවිධ මංගල යෝජනා ආවා. නමුත් ඔහුට අවශ්‍ය වුණේ උඩරට වංශවත් පෙළපතක තරුණියක් විවාහ කරගෙන දරුමල්ලන් සහිත ජීවිතයක් ගතකිරීමට යි. පාතරට උඩරට භේදය තදින් පැවති ඒ කාලේ ඒ වැඩේ ලේසි වුණේ නැහැ.

ක්ලැරිස්

එවකට කළුතර උසාවියේ සේවය කළ ප්‍රකට සූරියබණ්ඩාර අද්වකාත්වරයාගේ දියණියක වන රූමත් ක්ලැරිස් සම්බන්ධයෙන් ආතර් ද සිල්වා මුදලිවරයාගේ සිතෙහි හැඟීමක් ඇති වී තිබුණා. සූරියබණ්ඩාර පවුල උඩරට වංශවතුන් ලෙස යි සැලකුණේ. ආතර්ට වංශවත් රදළ පරම්පරාවක් තිබුණේ නැහැ. ඔහුගේ පියා බද්දේගමින් ආනාථයෙකු ලෙස පැමිණ කොළඹ ව්‍යාපාර කර දියුණු වූ කෙනෙක්. මේ වන විට ආතර් කළුතර පමණක් නොව කොළඹ පවා ප්‍රකට, ඉංග්‍රීසි ආණ්ඩුවට හිතවත් මුදලිවරයෙකු ලෙස අභිමානයක් ගොඩනගාගෙන තිබුණා. මේ වන විට ඔහු කළුතර කළු ගඟට යාබදව අක්කර 42කින් යුත් පොල්වත්ත ද මිල දී ගෙන තිබුණා. නමුත් එහි තිබුණේ වතු අධිකාරි බංගලාව පමණ යි.

ආතර් ද සිල්වා මුදලිවරයාට විවිධ කටයුතුවල දී සූරියබණ්ඩාර අද්වකාත්වරයා හමුවුණා. ඔහුගේ දියණියත් ඔහු දැක තිබුණා. ලංකාවේ වංශවතුන්ගේ සංගමයේ සහ ඉන්දියානු කතෝලික කොංග්‍රසය නම් සංවිධානයේ ද සභාපති වුණේ ආතර් මුදලිවරයා යි. දිනක් මුදලිවරයා තම හිතවතෙකු අතේ සූරියබණ්ඩාරට විවාහ යෝජනාවක් යැව්වා. ඒ ඔහුගේ දියණිය ක්ලැරිස් විවාහ කර ගැනීම ගැන යි. ඒත් රදළ මානයෙන් සිටි සූරියබණ්ඩාර ඔහුගේ යෝජනාව ගණනකට නොගෙන ඉවත දැම්මා. එය ආතර්ට විශාල පරාජයක් වුණා.

නමුත් ඔහුගේ යටි සිතේ පැවතුණේ ඇය කෙසේ හෝ හිමිකර ගන්නා බවට අදහසක්. මේ අතර සංචාරයක් සඳහා ආතර් ඉන්දියාවට ගියා.

එහිදී ඔහු නවාතැන් ගන්නේ තම හිතවත් රාම් නම් මහරාජා කෙනෙකුගේ මන්දිරයේ යි. මෙවර එහි ගිය ඔහුට එම විශාල මන්දිරය වැන්නක් කළුතර තම පොල්වත්තේ ඉදිකළ යුතු බවට අදහසක් පහළ වුණා. අද්වකාත් සූරියබණ්ඩාර හමුවේ අහිමි වුණු අභිමානය නැවත වගාකර ගනිමින් ක්ලැරිස් හිමිකර ගැනීමේ යටි අදහසක් ඔහු තුළ සැඟව පැවතුණා. මෙවැනි මැඳුරක් හිමිකර ගත්තොත් ලංකාවම තමා ගැන කතාකිරීමට පටන් ගන්නා බවත්, සූරියබණ්ඩාර පවා තමාගේ අදහසට කැමති වනු ඇති බවත් ඔහු සිතා තිබුණා. මහරාජාවරයාගෙන් මන්දිරයේ සැලසුම ඉල්ලූ තැන ඔහු අවඥාවෙන් සිනාසුණු බැවින් ලංකාවට පැමිණි ආතර් දක්ෂ වඩුකාර්මිකයෙකු සොයා ඔහු ඉන්දියාවේ මහාරාජා මාලිගයට යැව්වේ එය පිටිතින් දැක බලා විස්තර දැනගන්න යි.

කළුගංතොට තේක්ක මන්දිරය

කළුතර පලාතොට වතුයායේ මනරම් මන්දිරයක් ඉදිකිරීම ආරම්භ වුණා. බුරුමයෙන් තේක්ක ලී, යුරෝපයෙන් පිඟන්ගඩොල්, නානකාමර උපකරණ, වීදුරු, ගෘහ උපකරණ ඇණවුම් කළා. අක්කර 42කින් යුත් ඉඩම තැනිතලා බිමකින් හා කුඩා කඳු ගැටයකින් සමන්විත වුණා. මන්දිරය ඉදිවුණේ එහි උස්ම කොටසේ යි. සුවිසල් මන්දිරය තුළ සේවක කාමර හැරුණු විට තවත් කාමර 16ක් තිබුණා. අලංකාර කැටයම් කුලුනු, විශාල තරප්පු, මනබදිනා දොර ජනෙල් කාගේත් සිත් ඇදගත්තා. මන්දිරය නිමවීමටත් පෙර එහි කීර්තිය රටපුරා කතාබහට ලක්වුණා.

කාමරය තුළට පිටත ශබ්ද නොඇසීමට සහ කාමරය තුළ ශබ්දය පිටතට නොඇසෙන සේ බිත්ති බඳින්නට බදාමය ඇතුළතින් ලී පටි ගස්සා තිබුණා. මැඳුරේ තැනූ නර්තනාගාරයට සිසිල් වායුව ලබාගත්තේ ඉඩමට යාබදව පිහිටි කළුගං ඉවුරේ සිට තනා තිබූ නළ මාර්ගයෙන්. එකල නිවාස වායුසමීකරණ තාක්ෂණය ක්‍රියාත්මක නොවුන ද මේ මන්දිරය තුළ ස්භාවික වායුසමීකරණ තාක්ෂණයක් දැකගත හැකි වුණා. ඒ නිසා නර්තනාගාරය නිරන්තරයෙන්ම සිසිල්ව පැවතුණා.

රට හෙල්ලූ මහ මඟුල

1910 මුල් භාගය වන විට මැඳුර මුළුමනින්ම තනා අවසන්. එය ‘රිච්මන්ඩ් කාසල්’ ලෙස නම් කළා. විවෘත කිරීමට ආරාධනා කළේ පෙර කී ඉන්දීය මහාරජාවරයාට යි. ඔහුත් ලංකාවට පැමිණ එය දැක පුදුමයට පත්වූ බව සඳහන් වෙනවා. ටික දිනකින් අද්වකාත් සූරිය බණ්ඩාර තම හිතවතෙකු අත දියණිය පිළිබඳ විවාහ යෝජනාව ආතර් වෙත එව්වා. ඔහු සිත එය අසා ප්‍රීතියෙන් ඉපිල ගිය බව තමයි පැවසෙන්නේ. ඒ වන විට ආතර් තම නමත් වෙනස් කරගෙන සිටියා. ඒ නානායක්කාර රජවාසල අප්පුහාමිලාගේ දොන් ආතර් ද සිල්වා විජේසිංහ සිරිවර්ධන ලෙස යි.

වර්ෂ 1916 ජූලි 22 දා කළුතරට ඓතිහාසික දවසක් වුණා. ක්ලැරිස්‌ මැටිල්ඩා මෝඩ් සූරියබණ්‌ඩාර මෙනෙවිය හා ආතර් සිල්වා පඩිකාර මුදලිවරයාගේ විවාහ මංගල උත්සවය පැවැත්වුණේ එදින යි. ඒ සඳහා එංගලන්තයේ ජෝර්ජ් රජ පවුලේ නියෝජිතයන් ද වේල්සයේ ආදිපාදවරයා ද, මව්න්ට්‌බැටන් සාමිවරයා ද ඇතුළු ප්‍රභූන් රැසක්‌ සහභාගි වී තිබෙනවා. අමුත්තන්ට කොළඹ සිට කළුතරට පැමිණීමට ආණ්ඩුවෙන් විශේෂ දුම්රියක් ද යොදවා තිබෙනවා.

සිහිනය බිඳවැටෙයි

ආතර් යුවළ 1915 සිට 1940 දක්‌වා පුරා 25 වසරක්‌ රිච්මන්ඩ් කාසල් මන්දිරයේ පදිංචිව සිටියා. ඔවුනගේ විවාහ ජීවිතය නම් සතුටින් ගෙවීගිය බවක් පෙනෙන්නේ නැහැ. මුදලි ආතර්ගේ බලාපොරොත්තු එකින් එක බිඳ වැටුණා. මහා මන්දිරවලින් ජීවිතයට සතුටක් ලබාගත නොහැකි බව ඔහුට අවබෝධ වන්නට ඇති. ක්ලැරිස් මහා මන්දිරයක 40 දෙනෙකුගෙන් යුත් සේවක පිරිසක් මැද හුදෙකලා වුණා. ඔවුන්ට දරුවන් සිටියේ නැහැ. එම කරුණත් මහමුදලි ආතර්ට සංවේගයක් දැනවූ බවත්, ඒ නිසා ඔහු කුඩා පිරිමි ළමුන්ගේ ප්‍රතිමා මන්දිරයේ උද්‍යානයේ ඉදිකරවූ බවත් පැවසෙනවා.

මේ අතර ක්ලැරිස්, මුදලිවරයා අලුතින් මිලට ගත් කාර් රථය පදවන්නට බඳවාගත් රියදුරා සමග අනියම් සම්බන්ධයක් පැවති බවට කතාවක් ද පැතිර ගොස් තිබුණා. නමුත් මේවායේ සත්‍යතාවක් ඇද්දැ යි යන්න සැක සහිත යි. මේ කාලයේ මුදලි විජේසිංහ කළුතර ධර්මවිජය පිරිවෙනට නිතර ගොස් ආඳාවල සාරානන්ද නායක හිමියන්ගෙන් අනුශාසනා ලබාගත් බව පැවසෙනවා. එහෙත් ඔහු තමන් ඇදහූ කතෝලික දහම ද අත්නොහළ අතර, ඒ ආගමික කටයුතුත් ඉටුකර තිබෙනවා. තමන් විශාල බලාපොරොත්තු සහිතව ගොඩනැගූ මාලිගා වැනි ගොඩනැගිලි, මහා විවාහය, ලබාගත් කීර්තිය, දේපල ආදියෙන් කිසිම සතුටක් ඔහු නොලැබූ බව යි හැසිරීම දෙස බලද්දී පෙනෙන්නේ.

අන්තිම කැමති පත්‍රය

1941 ජුලි 4 වැනිදා මුදලි ආතර් තම අන්තිම කැමති පත්‍රයට අත්සන් තැබුවේ නොතාරිස් එස්. ජේ. එස්. කාදිරගාමර් ඉදිරියේ යි. රිච්මන්ඩ් කාසල් ඇතුළු දේපල රාශියක් එහිදී ආණ්ඩුවේ මහාභාරකාරවරයාට පැවරුවා. ඒ ගැන බිරිඳ ක්ලැරිස් හෝ ඥාතීන් දැන සිටියේ නැහැ. බිරිඳ අවිවාහකව සිටින තාක් ඇයට මාසිකව රු. 300ක් සහ පොල් ගෙඩි 250ක් යැවිය යුතු බවත් එහි සඳහන් වුණා. ඉන්පසු මුදලිවරයා ක්ලැරිස් ඇයගේ දෙමාපියන්ගේ නිවසට ගොස් ඇරලනවා.

ඔහු ඉංග්‍රීසි ආණ්ඩුවට පවරා තිබූ රිච්මන්ඩ් මන්දිරය ඇතුළු අක්කර 42ක් වූ පොල් සහ කුඹුරු යායේ වටිනාකම 1943 ඇස්තමේන්තුවලට අනුව රු. තුන්ලක්ෂ පනස්දහසක්. ආණ්ඩුවට දුන් තවත් ඉඩමක් වූ ගම්පහ හේනේගම අක්කර 82ක් වූ ඉරහඳයාව පොල් වත්තේ වටිනාකම රු. එක්ලක්ෂ විසිපන්දහසක් වුණා. ඊට අමතරව මහනුවර ආගමික ආයතනයකටත් තම ආදායම්වලින් කොටසක් පවරා තිබුණා. රිච්මන්ඩ් මන්දිරය පිරිමි ළමුන්ගේ අනාථ නිවාසයක් වීම ඔහුගේ කැමැත්ත වුණා. අදත් එහි පිරිමි ළමුන්ට අනාථ නිවාසයක් පවත්වාගෙන යනවා.

රැජන හෝටලයේ හුදෙකලාව

ඊට පසු ආතර් ද සිල්වා විජේසිංහ සිරිවර්ධන පඩිකාර මුදලි හිටි ගමන් අතුරුදන් වුණා. දේපල සියල්ල හැරදා එදිනෙදා ජීවත්වීමට පමණක් මුදල් තබාගෙන මහනුවර රැජන හෝටලයේ 37 වැනි කාමරය වෙන් කර ගත්තේ ජීවිතයේ ඉතිරි කාලය එහි ගෙවාදැමීමට යි. ඒ වන විට ඔහුගේ වයස අවුරුදු 53ක් වුණා.

ආතර් ද සිල්වා රැජන හෝටලයට පැමිණියේ අප්‍රකට චරිතයක් ලෙස යි. සේවකයන් හෝ ආරක්ෂකයන් හෝ කවරුවත් ඔහු සමග හිටියේ නැහැ. නමුත් ටික කලකින්ම මේ පුද්ගලයා කවුදැ යි හෝටලයට අමුත්තක් වුණේ නැහැ.

අවසානය තනිවම

1947 වර්ෂය එළඹුණා. මේ වන විට ඔහු හෝටල් කාමරයේ ගත කර තිබූ කාලය අවුරුදු 5ක්. දිනක් දැඩිසේ අසනීප වූ ඔහු මලබාර් වීදියේ සාත්තු නිවාසයට රැගෙන ගියා.

දිනය 1947 ජූලි 8 දා යි. මරණයට හේතුව නහරයක ලේ කැටියක් සිරවීම බව මරණ පරීක්ෂණ වාර්තාවේ සඳහන්. ධනවත් බලවත් විජේසිංහ මුදලි මරණයට පත් වුණේ කිසිම ධනයක් නැතිව, හෝටල් කාමරයක ආගන්තුකයකු විදිහට යි. දේහය මහනුවර සිට කොළඹ මර්ට් පාරේ ඔහුගේ සොයුරියගේ නිවසට රැගෙන ආවා. හදිසියේ වෙන්ව ගිය සැමියා බිරිඳ ක්ලැරිස්ට දැකගැනීමට ලැබුණේ අවුරුදු 5කට පසුව මළ සිරුරක් ලෙස යි.

මේ අවමඟුල කොළඹ බොහෝ දෙනෙකුගේ සිත් තුළ අමුතු හැඟීම් දැනවූ අවස්ථාවක් වුණා. එවකට සිළුමිණ පුවත්පත එය වාර්තා කර තිබුණේ මේ විදිහට යි:

පඩිකාර මුදලි තැන්පත් ඇන්. ඩී. ඒ. සිල්වා පේපල් නයිට්වරයාගේ මෘත ශරීරය පිළිබඳ භූමදානය පසුගිය බ්‍රහස්පතින්දා අපරභාගයේ රෝමානු කතෝලික සභාවේ සම්පූර්ණ ගරුබුහුමන් සහිතව විශාල පිරිසක් ඉදිරියේ කොළඹ කනත්තේ සුසාන භූමියේ පිහිටි පවුලේ සොහොන් ගැබෙහි තැන්පත් කරන ලදී. ශෝක වන්නවුන් අතර මියගිය නයිට්වරයාගේ වැන්දඹු භාර්යාව වන විජේසිංහ නෝනා මහත්මයා, සර් ජෙරාඩ් විජේකෝන් සහ එම ආර්යාව, දොස්තර එන්. ඩී. ජේ. ද සිල්වා සහ එම නෝනා මහත්මයා යන පිරිස ප්‍රධාන ය.

කුසුම්සිරි විජයවර්ධන